Etxeko laguntza zerbitzuaPortugaleten

Erabilera anitzeko gizarte-prestazio integral eta komunitario honek eguneroko jarduerak euren kabuz egiteko zailtasunak dituzten eta menpekotasun egoeran dauden pertsona eta familiak artatzen ditu. Portugaleteko Udaleko Gizarte Ongizatearen Sailak (Bizkaia) eskaintzen du zerbitzua, Salud y Comunidad Fundazioak Lagunduz taldearekin batera kudeatuta.

Zerbitzuaren xedea da erabiltzaileen bizi-kalitatea hobetzea, banakako prebentzio-, asistentzia- eta errehabilitazio-programa baten bitartez. Programa, nagusiki, bi jarduera-lerro hauetan zehazten da:

• Etxeko laguntza: erabiltzailearen elikadura (erosketak egitea eta etxean janaria prestatzea, jaten laguntzea, etab.), erabiltzailearen arropa (arropa garbitzea, berrikustea, antolatzea, lisatzea, etab.) eta etxebizitzaren mantentze-lanak (garbiketa, konponketa txikiak, etab.).
• Zaintza pertsonala: garbiketa eta higiene pertsonala (erabiltzailearen arropa eta oheko izarak aldatzea barne), ohetik jaikitzen, oheratzen eta eserlekutik altxatzen laguntzea, janzten eta jaten laguntzea, erabiltzaileak sendagileak agindutako botikak hartzen dituela kontrolatzea eta jarraipena egitea, etxe barruko mugikortasuna sustatzea eta estimulatzea, zaintza higieniko eta sanitarioa, langileek horretarako espezializazioa behar ez duten bitartean, eta familia-antolakuntzan laguntzea.

Azken urtean zehar, zerbitzuak, batez beste, eguneroko jarduerak egiteko etxeko laguntza eta zaintza pertsonalerako laguntza behar duten 240 adineko artatu ditu hilero.